ਬਾਰਿਸ਼ ਤੋਂ ਅੱਜ ਵੀ ਨਹੀਂ ਮਿਲੇਗੀ ਰਾਹਤ, ਪੰਜਾਬ ਭਰ ਵਿੱਚ ਤਾਪਮਾਨ ਆਮ ਨਾਲੋਂ 7 ਡਿਗਰੀ ਘੱਟ

ਪੰਜਾਬ ਵਿੱਚ ਮੌਸਮ ਵਿਭਾਗ ਨੇ ਫਿਰ ਇੱਕ ਵੱਡੀ ਚੇਤਾਵਨੀ ਜਾਰੀ ਕੀਤੀ ਹੈ। ਰਾਜ ਦੇ ਲੋਕਾਂ ਨੂੰ ਅੱਜ ਵੀ ਬਾਰਿਸ਼ ਤੋਂ ਰਾਹਤ ਮਿਲਣ ਦੀ ਸੰਭਾਵਨਾ ਨਹੀਂ ਹੈ। ਪਠਾਨਕੋਟ ਅਤੇ ਗੁਰਦਾਸਪੁਰ ਜ਼ਿਲ੍ਹਿਆਂ ਲਈ ਆਰੇਂਜ ਅਲਰਟ ਜਾਰੀ ਕੀਤਾ ਗਿਆ ਹੈ, ਜਿੱਥੇ ਕੁਝ ਥਾਵਾਂ ‘ਤੇ ਭਾਰੀ ਤੋਂ ਬਹੁਤ ਭਾਰੀ ਬਾਰਿਸ਼ ਹੋ ਸਕਦੀ ਹੈ। ਇਸ ਤੋਂ ਇਲਾਵਾ 11 ਜ਼ਿਲ੍ਹਿਆਂ ਵਿੱਚ ਯੈਲੋ ਅਲਰਟ ਲਗਾਇਆ ਗਿਆ ਹੈ—ਅੰਮ੍ਰਿਤਸਰ, ਤਰਨਤਾਰਨ, ਹੁਸ਼ਿਆਰਪੁਰ, ਕਪੂਰਥਲਾ, ਜਲੰਧਰ, ਨਵਾਂਸ਼ਹਿਰ, ਰੂਪਨਗਰ, ਫਤਿਹਗੜ੍ਹ ਸਾਹਿਬ, ਲੁਧਿਆਣਾ, ਸੰਗਰੂਰ ਅਤੇ ਮੁਹਾਲੀ। ਇਨ੍ਹਾਂ ਇਲਾਕਿਆਂ ਵਿੱਚ ਵੀ ਕੁਝ ਥਾਵਾਂ ‘ਤੇ ਭਾਰੀ ਬਾਰਿਸ਼ ਹੋ ਸਕਦੀ ਹੈ, ਜਦਕਿ ਬਾਕੀ ਜ਼ਿਲ੍ਹਿਆਂ ਵਿੱਚ ਹਲਕੀ ਤੋਂ ਮੱਧਮ ਬਾਰਿਸ਼ ਦਾ ਅਨੁਮਾਨ ਹੈ। 

ਬੀਤੇ ਦਿਨ ਦਾ ਹਾਲ

ਪਿਛਲੇ 24 ਘੰਟਿਆਂ ਵਿੱਚ ਵੀ ਸੂਬੇ ਦੇ ਕਈ ਹਿੱਸਿਆਂ ਵਿੱਚ ਬਾਰਿਸ਼ ਦਰਜ ਕੀਤੀ ਗਈ। ਅੰਮ੍ਰਿਤਸਰ ਵਿੱਚ 1 ਮਿਮੀ, ਲੁਧਿਆਣਾ 0.2 ਮਿਮੀ, ਪਟਿਆਲਾ 1 ਮਿਮੀ, ਫਿਰੋਜ਼ਪੁਰ 4 ਮਿਮੀ, ਹੁਸ਼ਿਆਰਪੁਰ 1.5 ਮਿਮੀ, ਮਾਨਸਾ 4 ਮਿਮੀ, ਪਠਾਨਕੋਟ 14 ਮਿਮੀ, ਥੀਨ ਡੈਮ (ਪਠਾਨਕੋਟ) 12.5 ਮਿਮੀ, ਭਾਖੜਾ ਡੈਮ (ਰੂਪਨਗਰ) 10.5 ਮਿਮੀ, ਮੁਹਾਲੀ 0.5 ਮਿਮੀ, ਸ੍ਰੀ ਅਨੰਦਪੁਰ ਸਾਹਿਬ (ਰੂਪਨਗਰ) 10.5 ਮਿਮੀ, ਬਲਾਚੌਰ (ਸ਼ਹੀਦ ਭਗਤ ਸਿੰਘ ਨਗਰ) 1.5 ਮਿਮੀ ਅਤੇ ਚੰਡੀਗੜ੍ਹ ਵਿੱਚ 2.2 ਮਿਮੀ ਬਾਰਿਸ਼ ਦਰਜ ਹੋਈ।

ਬਾਰਿਸ਼ ਕਾਰਨ ਤਾਪਮਾਨ ਵਿੱਚ ਕੁਝ ਵਾਧਾ ਹੋਇਆ ਹੈ, ਪਰ ਇਹ ਅਜੇ ਵੀ ਆਮ ਨਾਲੋਂ 7.1 ਡਿਗਰੀ ਘੱਟ ਦਰਜ ਹੋ ਰਿਹਾ ਹੈ। ਸਭ ਤੋਂ ਵੱਧ ਤਾਪਮਾਨ ਅਬੋਹਰ ਵਿੱਚ 30.4 ਡਿਗਰੀ ਰਿਹਾ।

ਅੰਮ੍ਰਿਤਸਰ – 25.2 ਡਿਗਰੀ

ਲੁਧਿਆਣਾ – 26.8 ਡਿਗਰੀ

ਪਟਿਆਲਾ – 27.6 ਡਿਗਰੀ

ਫਰੀਦਕੋਟ – 28.1 ਡਿਗਰੀ

ਗੁਰਦਾਸਪੁਰ – 25.8 ਡਿਗਰੀ

ਫਿਰੋਜ਼ਪੁਰ – 29.1 ਡਿਗਰੀ

ਹੁਸ਼ਿਆਰਪੁਰ – 27.2 ਡਿਗਰੀ

ਸਮਰਾਲਾ (ਲੁਧਿਆਣਾ) – 30.1 ਡਿਗਰੀ

ਮਾਨਸਾ – 27.7 ਡਿਗਰੀ

ਮੁਹਾਲੀ – 28.1 ਡਿਗਰੀ

ਪਠਾਨਕੋਟ – 24.4 ਡਿਗਰੀ

ਥੀਨ ਡੈਮ (ਪਠਾਨਕੋਟ) – 21.8 ਡਿਗਰੀ

ਭਾਖੜਾ ਡੈਮ (ਰੂਪਨਗਰ) – 28.8 ਡਿਗਰੀ

ਸ੍ਰੀ ਅਨੰਦਪੁਰ ਸਾਹਿਬ (ਰੂਪਨਗਰ) – 27.8 ਡਿਗਰੀ

ਬਲਾਚੌਰ (ਸ਼ਹੀਦ ਭਗਤ ਸਿੰਘ ਨਗਰ) – 27 ਡਿਗਰੀ

ਚੰਡੀਗੜ੍ਹ – 27.9 ਡਿਗਰੀ